Forth Part 2010/11/22

part 4

ඕන්න අපේ ගෙදර පිරිතට කට්ටිය සෙට් වෙනවා. ආරංචි වුණ විදියට බදුල්ලේ කට්ටිය කලින් දාම රෑ පිටත් වෙලා. ඉතින් මං උදේ නැගිට්ටේ මගේ ෆෝන් එක රින් වෙන සද්දෙට. බලනකොට මුං
කොළඹට කෝච්චියේ ඇවිත්. දඩි බිඩි ගාලා මං නැගිටලා එන පාරත් කියලා පාරට ගියා එක්කගෙන එන්න. මෙන්න බලන කොට බස් එකක පාපුවරුවේ එල්ලිලා මගෝඩියා එනවා.

ඔන්න ඉතින් මේ කට්ටියව එක්කගෙන මං අපේ ගෙදර ඇවිත් උදේ කෑම කන්න ලෑස්ති වුණා විතරයි, මෙන්න කැන්නය යි, ජෝනුයි අපේ දොරකඩ. ඉතින් උන් වත් එකතු කරගෙන කෑම කනවා.. ටික වෙලාවකින් අනිත් කට්ටියත් මෙහෙට සේන්දු වුණා. ඉතින් මෙයාලා මුළින්ම කලේ අපේ ගෙදර ලයිට් වැල් එල්ලන එක.

මෙන්න මෙහෙම තමා තඩිය යි ජෝනු යි ලයිට් එල්ලුවේ...

ඉතින් දවල්ට කාලා ගියා පුටු මේස එහෙම අරගෙන එන්න. ඉතින් පාර දිගේ ඒවත් අරගෙන ආවට පස්සේ කට්ටියට හොඳටම මහන්සියි.
ඉතින් ඔය අතරේ ඳයාට අපේ නංගියෙක් සෙට් වෙලා බලන කොට දුශානුත් එයාට බැල්ම දාගෙන ඉඳලා තියෙන්නේ. ඉතින් ඔන්න පිරිත් මණ්ඩපේ එහෙම හදලා කට්ටිය ගිමන් නිවනවා..
එහෙම ඉන්න දෙන්න පුළුවනයෑ... මං ඉතින් ඔය වැඩ ‍පුළු පුළුවන් විදියට කිව්වා. ඔය අතරේ මුන්ට තේ කෑම ජාති එහෙම දීලා ඉවරයක් නෑ.
රෑ පිරිත් පටන් ගන්නයි ලෑස්තිය. කට්ටිය ලෑස්තිවෙනවා පිරිත් අහන්න. ඉතින් කට්ටි‍ය පන්සල් ගිහින් හාමුදුරුවන්ව වඩම්මන්න ලෑස්ති‍ වෙන කොට රෑට කන්න ඉඳිආප්ප ගෙනැල්ලා. පවු මේ කොල්ලෝ ටික කියලා ගෙදර කට්ටිය කන්න දුන්නා. මෙන්න ටික වෙලාවකින් ඉඳිආප්ප මේසේ හිස් වෙලා. බලන කොට තිබුණ ඉඳිආප්ප 2000+ මුන් වැඩේ දීලා.
ඉතින ඡායාරූපකරණ කාරණාව මං තඩියාට බාර දුන්නා.
ඉතින් හරියටම රෑ 9 වෙද්දි පිරිත් පටන් ගත්තා.

 ඔය අතරේ මන්නය යි තව දෙන්නෙකුයි අපේ ගෙවල් පාරේ හිටපු ගෑණු ළමයෙක් ව follow කරන්න ගිහින් අතරමං වෙලා ආපහු එන්න පාර හොයාගෙන තියෙන්නේ මහ රෑ හෙන ගේමක් දීලා ලු.

 ඉතින් රෑ මැදියම කිට්ටු වෙලා මහ පිරිත ඉවර වෙලා අර රතිඤ්ඤා එහෙම දාන සූත්ර යක් තියෙන්නේ ඒක සජ්ජායනය කරන වෙලාවේ කට්ටිය ඉතින් නැගිටලා රතිඤ්ඤා දාන්න ගත්තා..ඔය අතරේ නිදාගෙන හිටපු අයගේ පුටු යටයි. අහක බලන් කල්පනා සයුරු වල ගිලී හිටපු අයගේ කකුල් යටයි ඩොං ඩොං ගාලා සද්ද ඇහෙන්න ගත්තා. ඉතින් ඔන්න ඔහොම රතිඤ්ඤා පැකට් දෙක තුනකටම වග කිව්වා..

ඉතින් ඔය ටික ඉවර වෙලා ටික වෙලාවකින් කට්ටියම නිදිමත නිසා හිටපු හිටපු තැන්වලම බුදි. ඒ අතරේ ඇහැරගෙන හිටපු අය මදුරු දඟර පත්තුකරගෙන මදුරුවන්ගේ අම්මලා අප්පලා මතක් කර කර හිටියාලු.

ඔහොම ඉන්න අතරේ හාමුදුරුවන් තවත් විශේෂ සූත්රදයක් දේශනා කරන්න ගත්තා. ඒකේ සමහර තැන්වලදී සද්දෙන් විවිධ ශබ්ධ නඟනවා. ඉතින් ඒ සද්ද වලට අපේ නිදි කිර කිර හිටපු උන් උඩ ගිහිල්ලා ඇහැරෙනවා. ආයිත් නින්ද යාගෙන එනකොටම අර සූත්රවයේ ශබ්ධ ඇහෙනවා. මොකද එලියට හොඳ සද්දෙට බෆල් එහෙම දාලා තිබුනේ. ඉතින් ඔය සුත්රයය එහෙම කියලා හාමුදුරුවන් මාරු වෙන වෙලාවට අපේ 10ක් විතර ඇහැරලා යනවා තනියට. ඒත් උන්ගේ තනි මකන්න තව කට්ටියක් යනවා..ඔන්න ඔය විදියට පිරිතේ රෑ ගෙවිලා ගියා.

ඉතින් පාන්දර 5 විතර වෙද්දි පිරිත් අවසන් කරන්න කටයුතු ලෑස්ති වෙනවා. ඒ වෙලාවේදීත් අපූරු දේවල් සිදුවුණා. ඒ ටික ඊළඟ කොටසේ දී ලියන්නම්.

 ..B...වා..ර්..තා..ක..ර..ණ..ය..
|                “කවුඩා”               |
…........................................